Студэнцкае навуковае таварыства

СНТ: мастацтва — гэта «я», навука — гэта «мы»

Значэнне навукі ў нашым жыцці пераацаніць складана. І пацвержданне таму выказванні многіх выдатных людзей:

Любоў да навукі — гэта любоў да праўды, таму сумленнасць з’яўляецца асноўнай дабрадзейнасцю навукоўца.
Л. Феербах
Жыццё чалавека не вечнае, але навука і веды пераступаюць парогі стагоддзяў.
І.В. Курчатаў
Гэтак жа, як паглынанне ежы без задавальнення ператвараецца ў сумнае харчаванне, так занятак навукай без запалу забруджвае памяць, якая становіцца няздольнай засвойваць тое, што яна паглынае.
Л. да Вінчы
У навуцы няма шырокай і прамой дарогі, і толькі той можа дасягнуць яе зіхатлівых вяршынь, хто не баіцца стомы і караскаецца па яе камяністых сцежках.
К. Маркс
Навука з’яўляецца асновай усякага прагрэсу, які палягчае жыццё чалавецтва і памяншае яго пакуты.
М. Складоўская-Кюры
Усякі пачатак цяжкі, — гэтая ісціна справядлівая да кожнай навукі.
К. Маркс
Паміж навукай і жыццём існуе цесная, непарыўная, ні для аднаго з іх зусім не зневажальная сувязь: чым больш навука служыць жыццю, тым больш жыццё ўзбагачае навуку.
Г.В. Пляханаў
Усе ідэі ў навуцы нарадзіліся ў драматычным канфлікце паміж рэальнасцю і нашымі спробамі яе зразумець.
А. Эйнштэйн
Адкрыцці прыходзяць толькі да тых, хто падрыхтаваны да іх разумення.
Л. Пастэр

Якая ж роля універсітэта ў рэалізацыі навуковых ідэй? Універсітэт — гэта вышэйшая навучальная ўстанова, дзе рыхтуюцца спецыялісты па фундаментальных і шматлікіх прыкладных навуках. Верагодна, ў дадзеным вызначэнні варта вылучыць два ключавых словы — «спецыялісты» і «навука». Аднак якое з іх першаснае, другое ці першае? Што чым рухае і накіроўвае ў развіцці? Няхай гэтыя пытанні застануцца рытарычнымі. Ясна толькі адно: гэтыя паняцці не могуць існаваць самастойна і паасобку, бо яны, безумоўна, цесна ўзаемазвязаны і знаходзяцца ў суразвіцці, выражаюцца адзін праз адно. А хто мы? Мы — пакуль яшчэ студэнты, але ж і будучыя спецыялісты …
Студэнцкая навука дала пуцёўку ў «вялікую» навуку ўсім знакамітым навукоўцам і выдатным дзеячам. Напэўна, нельга назваць ні аднаго з іх, хто абмінуў бы гэтай ступені да свайго канчатковага станаўлення і прызнання.
Аднак НДПС (навукова-даследчая праца студэнтаў) павінна кімсьці накіроўвацца, кімсьці арганізоўвацца і кантралявацца, бо, як казаў выдатны савецкі фізік, акадэмік АН СССР Л. А. Арцімовіч, «студэнт — гэта не сасуд, які трэба запоўніць ведамі, а факел, які трэба запаліць ». Вось гэтую ролю і павінна ўзяць на сябе студэнцкае навуковае таварыства (СНТ). Адно з фундаментальных паняццяў філасофіі абвяшчае: «практыка — крытэрый ісціны». Заняткі студэнтамі навукай не павінны праходзіць патаемна і адасоблена, за зачыненымі дзвярыма. Не! Студэнты, якія займаюцца навуковымі даследаваннямі, павінны мець зносіны, дзяліцца вынікамі сваёй працы, абмяркоўваць іх, натхняць адзін аднаго на новыя ідэі, падтрымліваць адзін у адным тую самую ініцыятыву да развіцця, якая і рухае імі. Толькі ў гэтым выпадку будуць нараджацца новыя ідэі, якія прывядуць да яшчэ больш значных вынікаў. У навуцы трэба шукаць ідэі. Няма ідэі, няма і навукі. Веданне фактаў толькі таму і каштоўна, што ў фактах хаваюцца ідэі, бо самі пустыя факты — смецце для галавы.

Ролю СНТ немагчыма пераацаніць. Яно павінна арганізоўваць сустрэчы, канферэнцыі на самых розных узроўнях (факультэт, універсітэт, горад, рэспубліка, краіны СНД, міжнародныя канферэнцыі, сімпозіумы, «круглыя сталы»). Такім чынам, мэтай СНТ з’яўляецца павышэнне ўзроўню і якасці НДПС за кошт дакладнай арганізацыі і правядзення названых мерапрыемстваў; асноўныя задачы — прыцягненне да НДП як мага большай колькасці таленавітай моладзі, стварэнне ўсіх неабходных умоў для вырашэння навуковых праблем і эфектыўнага абмену інфармацыяй (выступленні на канферэнцыях, публікацыі дакладаў і тэзісаў ў навуковых выданнях), а таксама стымуляванне, кантроль і падтрымка студэнтаў.

Шаноўныя рабяты! Калі вас цікавіць навуковая дзейнасць, вы ініцыятыўныя і поўныя энтузіязму, гатовыя заявіць пра сябе, калі ўжо даўно хочаце рэалізаваць якую-небудзь неардынарную ідэю ці праект, калі не баіцеся вызначыцца, гатовыя пазнаёміцца з новымі цікавымі людзьмі, мы заўсёды рады вам дапамагчы! У вас з’явіцца мноства магчымасцяў і перспектыў, новыя сябры, прычым не толькі ў нашай краіне, але і за яе межамі. І калі вы вырашыце заявіць пра сябе ў навуцы, то актуальным для вас будзе наступны артыкул..


Інфармацыю аб розных навуковых мерапрыемствах вы можаце атрымаць і на наступных сайтах:

СНО: новыя грані студэнцкай навукі